Thursday, August 7, 2008

再談不讀的書

有看倌來信詢問,在下既未讀過那幾本書,何以便覺得不喜歡?

我可以告訴諸君,此乃一種偏見。英文叫prejudice。

我當然不會全然未讀過「門前第一桌書籍」,年幼時讀過不少,覺得全不合胃口,所以以後便不敢再買了。偏見由此形成。

此外,還有不少指標可循。一些閱讀興趣口味跟我接近的朋友和書評人,皆為我參考對像。如果他們說某書不好,那我大概便不敢買了。

至於一些閱讀興趣口味跟我南轅北轍的朋友和書評人,其意見我亦非常重視。如果他們說某書是正野,那我大概便不敢買了。

借莊子的理論,人生苦短,很難每本書都讀完。小弟人到中年,青春有限。如要小弟讀畢一書才發覺不合脾胃,我寧願依從自己之偏見,擇書而讀,走寶好過。

Stephy和動漫Maggie也出自傳,人稱才女也。我大概是不會買的。沒讀過已有如此想法。

這就是偏見。

43 comments:

Yun said...

哇哈哈哈! 笑死我也。

(特別是:「至於一些閱讀興趣口味跟我南轅北轍的朋友和書評人,其意見我亦非常重視。如果他們說某書是正野,那我大概便不敢買了。」)

(好同意呀!)

過內人 said...

所謂博彩資訊的名家有兩類,一類係成日中,一類係成日唔中。成日唔中者又稱名燈。

最怕係時中時唔中,都唔知跟唔跟佢好。

所以Elvis應該會怕有o的人,有部分口味好相同,有部分就好唔同,都唔知跟唔跟好。

Feheart said...

如有一本你頗感興趣的書,
被放在門前第一桌上, 就在Stephy, Theresa 和Maggie 自傳中間, 未知會否影響Elvis 的興味?

Elvis said...

Feheart,

你這個命題不成立。

想想為何吧。

小瓶子 said...

我睇你不只偏见, 也傲慢哦. 可以自编自导自演一套后现代傲慢与偏见. 嘿嘿..

Elvis said...

小瓶,

何以見得是傲慢呢

小瓶子 said...

如果有一本书是放在Stephy, Theresa 和Maggie 自傳中間, 你就一定不会感兴趣? 会不会武断左D, 你点知道书店会不会玩 crossover?

小瓶子 said...

Elvis:

因为从你字里行间, 可见你是瞧不起那些"放在門前第一桌上"的书哦.

觉得你傲慢, 也是我的偏见之一. 死未? 哈哈...

Elvis said...

小瓶,

我可以答你。不會。因為我對書店有偏見。

Elvis said...

妳呢個問題,哲學佬講Empiricism時成日講。

有個叫白蝙蝠理論。即係話,你都未見過全世界既蝙蝠,你點知蝙蝠就一定係黑既呢?

在我立場, 我只能夠講, sorry, 我唔得閒去搵晒全世界既蝙蝠出來。

如果我拍過10次拖, 有5個十分港女, 有5個非港女。前者我全頂唔順, 後者我全頂得順。

咁到第11次果時, 我覺得我都係頂唔順港女, 所以要搵個非港女。咁你又問我, 「你都未拍過晒全香港既港女, 你點知道港女你一定頂唔順呢?」

冇錯, 我唔知, 我呢個想法, 唔係科學。 但我光陰有限, 冇可能拍晒全香港既港女先得出自己頂唔順港女呢個結論。

所以第11次, 我會搵一個非港女。 你可能岩, 港女之中的確可能有我頂得順既。 但我寧願錯過。 這不是科學。這叫偏見。我雖然做科研, 但我生平最怕人在唔應該講科學時講科學。

反正, 唔睇「門前第一桌的書」, 我又唔會冇書睇

Elvis said...

怎會瞧不起, 只是我程度不足, 理解不了。

小瓶子 said...

讲讲吓睇书都可以兜番去港女到, 真系劲...

陳大文部落 said...

Elvis:

老友,容許在下稱呼你為老友吧。

我也有面對過無數次別人問我看什麼書。

我看的書,以數量而言是不太多,也少有每天一讀這良好習慣。

也包括別人常問我,有否看什麼什麼的書,我答沒有,問何解,我只說看了數頁,不喜歡,沒買,沒看。


人們也非常順理地問:「只看了數頁,你還未透徹清楚明解書中內容便說不喜歡,你就是以偏概全,會否自視過高啊;看了數頁便下結論,是很偏激的呀。」之類的回應。

也有說法:「你呢個人好怪,嘩乜咁既...」。


我不可以說人們這麼說法是無理,因為事實上,看了數頁,也不能很透徹地說是好書與否。


不過,口袋的錢是我的,我相信我總有點點權利去決定買還是不買。


我這樣說用錢來決定買書,當然只是我個人很低層次的市井想法。


正如我也沒有看「溏心風爆」,因為我不喜歡看,remote 是我的,我還希望我就是物主,我不按,不看,是我個人選擇。


引出的思考是,我們自己決定看什麼書看什麼電視、吃什麼甚至寫什麼等等,是否走對了路,還是大世代的人們已離自己愈遠了?


但我還是認為,自己的路自己的眼睛,應該還是屬於自己的,包括看電視的 remote 和口袋買書的錢。


有一位網友,對我說了一句話,她說的很點醒了我,一點即中,聽在我心裡別有一番感受。遲些再談。

小瓶子 said...

用「溏心疯爆」会更搞笑.

Ta said...

唔..... 其實我覺得泊主根本唔會去將 Stephy Maggie 自傳攞出嚟第一桌嗰d書店買書 (去 '目及'女就有可能嘅) .......

睇泊主响泊題過嘅書 去公共圖書館都未必揾到 惶論 '將 Stephy Maggie 自傳攞出嚟第一桌嗰d書店'

所以呢如果佢响三聯呀 大眾呀出現 實係見到里面有靚女!!!

Feheart said...

哦?~
是因為"一本你頗感興趣的書"
是不會"被放在門前第一桌上" ?

還是"被放在門前第一桌上" 就
根本不會成為"一本你頗感興趣的書"?

Feheart said...

睇番d 留言, 我想我明白你說為何命題不成立了......


最近我看書店第一桌上放的連「心靈龜湯」,「向左嘔向右嘔」,「火星金星」都沒有了, 全部清一色是股壇狙擊手, 戰勝索羅斯攻略, 國企分析 etc.....

Ta said...

''至於一些閱讀興趣口味跟我南轅北轍的朋友和書評人,其意見我亦非常重視。如果他們說某書是正野,那我大概便不敢買了。''

我母親大人都係我型象指導 我襯好衫就會去叫佢俾評語

如果佢話 :着成咁! 似咩呀你!
我就知掂哂 充滿自信咁出街 Yeah~~~

如果佢話 : 嗱 咁着幾好!
我就知 呢套衫可以摺埋嘞 除咗用嚟出席葬禮

小瓶子 said...

Ta,

三聯呀 大眾呀, 应该都有[石头记],[三国演义],[三国誌], [厚黑学], [A brief History of Time]......掛(纯粹推测)

readandeat said...

哈﹗

本來你的網誌也入了我的「不看的網誌」名單,點解?偏見囉。

咦,換番相。呢張好啲。

老麥 said...

Elvis,

Heuristics 係一個有趣的話題,等我遲D寫下先。

甚麼時候用Heuristic,何時不用,是人生大學問,但掌握不好也不會死,這就是命運。

呵,寫得太沉重添!

小瓶子 said...

readandeat,

我都觉得Elvis 不用正面相会好D. 嘿嘿...

ctm said...

「不看的網誌」名單<--interesting ~~~

polly chik said...

其實有點像去旅行時, 有些旅遊書介紹必去的景點我必不會去...但另外一些跟我口味相近的旅遊書介紹的景點我才會有興趣一看...

但到訪與否, 每個人的興趣大相逕庭, 實不需與他人相符, 因每人的口味並不一樣, 想來板主在寫這一篇和前一篇有關閱讀口味/衣著品味的文章大概是想說, 口味不一樣並不要緊, 但不必強加自己的口味至其他人身上便可. 即使是漫畫也好, 高深的也好, 還是放在書店門前前第一桌書也好, 自己喜歡便可, 哪管得著其他人如何看待呢? 也不必把自己喜歡的強諸於他人...

板主, 你的讀者愈來愈有趣... 多樣性, 有趣...

Ta said...

小瓶子:

我估泊主要睇埋好q '了lung' 的 '脂硯齋全評戚序本石頭記'咁 三聯大眾應該冇掛

老實講 我都唔知三聯大眾有咩書的 我買書都响深圳書城買 平幾多呀!嘿!

Elvis said...

陳大文,

那句話是甚麼? 願聞其詳

Elvis said...

Ta,

啊, 我剛剛一直在想, 最後一次買「第一桌書籍」是何時呢?

終於想起, 那是5 年前, 在英國的Waterstone 書店。那本書是一本美國作家寫的小說。 我一直有追開他的作品, 十多年來, 每本都看過。

自此以後都沒買過「第一桌書籍」了。至於最後一次在香港的三聯商務買「第一桌書籍」, 我已忘了時何時。 起碼也是十多年之前了。

黑人 said...

如果Dragonlance 拍得成電影
版主大概會重拾某些十幾年前的「第一桌叢書」吧?

最近表弟問我借war of the twins 系列,代溝立刻縮細一大截

佢十二三歲人仔,我諗緊好唔好介紹佢睇David Gemmel 呢類重口味的奇幻小說,話晒佢睇The Dark Knight 完全無野喎,仲要反嘲我地d 大人慣左有happy ending, 下下要make sense,或者天真的是我地才對

Elvis said...

黑人,

我相信《Dragonlance》從來都沒能力進入香港書店的「第一桌」。

我的第一套《Dragonlance》,真係講你都唔信,是14年前,在馬來西亞吉隆坡一間烏煙瘴氣的爛書店裡頭買的。

Elvis said...

readandeat,

"本來你的網誌也入了我的「不看的網誌」名單,點解?偏見囉。"

在下的文字,言語無味,俗不可耐,一般程度高的人自是不看的。

Elvis said...

小瓶子 & readandeat,

我都觉得Elvis 不用正面相会好D. 嘿嘿...


「妳地再次人身攻擊,我覺得深受傷害囉, 都係摺 Blog 算了。」

** 飛雪素素 ** said...

我覺得Elvis 嘅黑皮褸look 幾型,幾 Batman feel. =)

Elvis said...

飛雪素素,

batman 現在已經是 loser 的代名詞了。

唔, 我明白的...........

Yun said...

你泊既留言﹐娛樂性指數係十粒★。係10 out of 10!!!

(做乜鬼常日將張相換來換去既﹖! 做paul smith花俏男咪好囉。。。)

Elvis said...

Yun,

我知我每天都比左好多娛樂你

黑人 said...

近年有LoTR 之類的電影大熱,以香港書店老闆生意眼光之銳,應該都會引入若干存貨

總之封面有盔甲佬有劍有龍,準沒錯

又,查實唔係冇,但永遠不會齊,每個系列有一兩本之類。

然後小職員會跟你講可以代你在amazon 訂

Elvis said...

Feheart,

"最近我看書店第一桌上放的連「心靈龜湯」,「向左嘔向右嘔」,「火星金星」都沒有了, 全部清一色是股壇狙擊手, 戰勝索羅斯攻略, 國企分析 etc....."

下??? 乜唔係 《Stephy自傳》同埋《動漫Maggie心路歷程》咩? 乜而家水準低左架....

readandeat said...

嗱,我冇放蕉皮畀你踏,你跣親唔好賴我呀。

小瓶子 said...

Ta,

"我買書都响深圳書城買 平幾多呀!嘿!"

真是英雄所见略同. 一套十三本的[德川家康], 加起上来才RMB325.

另, 可见得那些什么教科书一个学期要> HK$2000, 是开天杀价,「校商勾结」下的结果.

小瓶子 said...

Elvis,

「妳地再次人身攻擊,我覺得深受傷害囉, 都係摺 Blog 算了。」

人呢总有D 缺点0既, 你内涵已经爆晒灯啦, 外表拿来比人笑吓有什么所谓?

更何况你又高又瘦, 净系无Tom Cruise甘靚仔之嘛.

Elvis said...

小瓶,

唔! 該! 晒!

駛唔駛幫你寫埋落去?

「肚腩都仲未有谷德昭咁大, 頭髮又未甩到好似鄭少秋咁, 都唔係好差遮」

小瓶子 said...

Elvis,

「肚腩都仲未有谷德昭咁大, 頭髮又未甩到好似鄭少秋咁, 都唔係好差遮」

言之成理! 哈哈哈哈哈...(奸笑中)

Cherrie said...

haha~用prejudge來選讀什麼書是不智的
用prejudge來選不讀什麼是是明智的~~~