Wednesday, August 6, 2008

男人穿衣(下)

相比起強烈男人氣息的Hugo Boss,Paul Smith的設計卻活脫像典型的英國男人性格,優雅而俏皮。它的產品以色彩斑斕為主軸,紅的,綠的,橙的,各色彩帶,儼然就是Paul Smith本人的signature。這個品牌絕少生產純色的恤衫,主流都是七彩的間條和花紋圖案。例如有些恤衫圖案在遠距離看時你會以為是普通的粉紅間 條,靠近一點看才知道是以紅色為主的彩色間條。這些七彩的男裝,穿在身上會有一種頗「Gay」的感覺。其實某程度上,亦符合了一些英國男人的特質。英國男人喜歡攪基是公開的秘密,不少名人都是男同性戀者。那位「沙漠梟雄」Lawrence of Arabia,就是一名基佬。還有電腦學之父Alan Turing亦然,他最後自殺也是跟同性戀不容於社會有關。蘇聯間諜,英國MI-5頭目Kim Philby所領導的「劍橋間諜網」,大部份的成員都是基佬,他們亦是靠攪基來吸納成員。還有紅透歌壇的那位Elton John爵士,也是出名的基佬。最近公演的電影《查泰萊夫人的情人》,其原作者D. H. Lawrence,也是一位著名的基佬詩人。其實即使沒攪基,英國男人也不會有德國男人那種陽剛氣息和美國男人的那種粗魯。電影裡的美國英雄,例如 《Die Hard》的Bruce Willis那類,總是穿著牛仔褲和壞人打得「爛身爛世」。但電影裡的James Bond,永遠都是那麼的風流優雅,和敵人生死搏鬥時也總是穿著畢挺的西裝。而戰鬥後的下一刻,面對著女性時也總顯得那麼溫文有禮。

論用色之鮮艷大膽,似乎也只有Vivienne Westwood大嬸所設計的男裝才比得上Paul Smith。也可見此種「Gay」的感覺,在英國時裝界是一脈相承。Paul Smith在輕便西裝的設計上亦走著跟Hugo Boss截然不同的道路。因為實際用途上的需要,西裝很難像恤衫那樣花巧「玩款」,色彩和花紋都有限制,只能作出細微的變化。但Paul Smith就是不喜歡安份,它純色的設計不多,或明或暗的間條和格仔西裝卻比比皆是。我曾經見過一套這樣的Paul Smith西裝:在距離3米以外的時候看過去,你會以為它是一件純黑色的西裝。走近一點,約1.5米的距離,你會見到它其實並非純黑,而是有一些暗暗的, 灰色的格仔。當真正貼近去看時,你會驚覺那其實並非灰色的格仔,而是由一條條藍色,紫色,紅色,橙色的幼線所組成,這是距離遠時絕對看不出的。

聽過不少女人,包括一些專欄作家,說自己喜歡穿上Paul Smith的男人。嘿嘿,她們口味如何,可想而知。那請停止投訴港男們娘娘腔不夠Man了。

27 comments:

小瓶子 said...

我中意 Die Hard 多D, 哈哈....

Ta said...

咁着 Paul Smith 唔等於乸型嘅

我本身就冇ex係姿整男 姿整但冇料到嘅我睇唔上 姿整又有料到嘅睇唔上我 :p

男人最緊要都係要有料到 (才華呀,修養呀) 姿整呢家嘢 交俾我哋d女人得架啦!

p.s. 無懼乸型評價! 堅決谷男友着 Paul Smith! Yeah~~~~

Elvis said...

同埋我仲想講

Paul Smith d design 全部都係 Tall + Slim cut。最岩娘娘腔。

一般肌肉大隻型男, 著落係唔好睇既。

大家可以知道 Ta 口味如何。

Yun said...

咦。。。Elvis你。。。好似係Tall + Slim。。。

(我居然有睇曬呢篇囉。)

Elvis said...

Yun,

你想繞個彎話我娘娘腔, 冇咁易。

又話唔岩你睇既.....

Yun said...

你睇我幾俾面你啊。。。

你既花花衫都好paul smith呀。

Elvis said...

那是靚女送的, 我買不起。

Yun said...

曬命添。。。

C+ said...

穿Paul Smith的男生們太花俏了... But guys who spend a little time in grooming & fashion are just adorable :)

Elvis said...

C+,

Yeah!

穩重型終於有人欣賞了

花花公子那些都是找 ta 去吧

Ta said...

嚴.重.抗.議!!!

都話冇揾過姿整男/娘娘腔/花花公子 咯!!!

注意!我揾嗰d係好樸素嗰d嚟嘅!未識我之前係只會着黑灰啡藍v嗰d 我係喜歡樸素男的!!!

係一齊咗之后我先 '(強烈)建議' (aka 先斬后奏 唔買都買咗 你而家係咪真係唔着先?!)佢哋着 Paul Smith 之嘛

不過有一點中咗 我唔鐘意肌肉大隻型的 所有ex都係高瘦型 但高瘦都唔等於娘娘腔架!!!

泊主你屈我鐘意姿整男/娘娘腔/花花公子 小心我介紹大批 '港女'過你嘆呀吓 (定其實呢個係你激嬲我嘅終極動機呢???)

小瓶子 said...

查实我有D 兴趣识吓D 姿整男/娘娘腔/花花公子哦...哈哈哈哈哈.......

Elvis said...

小瓶子,

我識大把, 介紹d 你識好唔好?

Yun said...

亞 Ta:
你係真唔明定假唔明呢﹖ Elvis咪係個D等人送paul smith又著得好睇因為有高又瘦個DXX男囉。

咁豬架你。

Elvis said...

Yun,

你送我唔區啊

Yun said...

咪玩啦。。。我一冇錢﹐二﹐唔係靚女。

Elvis said...

咁唯有繼續穿19鎊 Primark 了。

Ta said...

小瓶子,

我諗泊主打算介紹自己俾你識 :p

Yun,

你有冇睇到泊主個 reply '那是靚女送的, 我買不起'呀? 你有冇留意我話 ex 都係高瘦男呀? 莫非你以為一切純屬巧合???

唉! 其實當年我都真係幾靚女..... 咁泊主..... 然后我就..... 但最終呢.... 咁囉

我乜都冇講喎!你响度諗緊乜呀?! 嘿嘿!!!

p.s. 喂我真是老作的 唔好陣間泊主徵友不成賴我叉喎檔攤 :P

Elvis said...

Ta,

你擺明就係陷害我。

所有看倌睇左請唔好信Ta胡言亂語。

Ta said...

重.申.一.次.

'我乜都冇講喎!你响度諗緊乜呀?! 嘿嘿!!!'

屈我鐘意姿整男/娘娘腔/花花公子 一人一鑊當無數! 哼!

p.s. 我是天蠍座的 好記仇架! 嘿!

Yun said...

Ta:

完。全。明。白。曬。

難。怪。

Ta said...

Yun:

歡迎加入 '老屈俱樂都'!!!

Elaine said...

我會買Paul Smith俾男友ga wor!!!!!

佢娘娘腔唔緊要,其他人睇佢覺得佢似基佬仲好。

Elvis said...

To 港女們,

點解點解.......

請唔好再嘲笑港男們唔夠 Man !!

就係因為妳地個個都鍾意 P.S. 男

有這樣的港女才有這樣的港男。

點解冇人識得欣賞 Hugo Boss......

nor said...

Paul Smith 啲質地太太太差喇;尤其是女鞋(最容易用來評價品牌嘅品質級數),幾百蚊貨仔品質賣到千幾蚊,咪玩啦。

要講男裝品牌文化,不可不提armani啩...

好奇人 said...

請問london跟香港的同一款PS或HB衣裳價格相差多少%(不計稅)? 那裡會便宜點?

Elvis said...

好奇人,

價錢有點分別, 除稅後可能英國平d, 但唔會差太遠。

但係歐洲好興做大減價, 減幅極高, 香港冇得比。