Thursday, June 4, 2009

我為何不要平反六四(下)

上文為一眾愛國志士抱不平,本盼日後落泊潦倒之時,回流香港,向西環投誠,也可討份差事,賴以糊口。可惜苦等兩日,西環仍未越洋致電,實在失望不已。

每年六四臨近,總是群丑亂吠。如陳一諤,曾蔭權,潘佩璆,詹培忠,劉夢熊,呂智偉之流,全都絞盡腦汁,極力獻媚。可惜限於資質,只能旁敲側擊發謬論,而且水準欠奉,貽笑大方。小弟見狀,動了惻隱之心,遂嘗試把犬語包裝成人言,為其辯護,免得強弱懸殊,令牛鬼蛇神龜縮不出。

其實一挺謬論又何妨?因為就算退一萬步,我當上述一干人等所言全部正確,全部言之成理;就算六四比起大躍進,文革,只是小風波;就算鎮壓真的帶來經濟繁榮;就算柴玲真的走佬;就算李卓人真的派錢;就算解放軍真的無屠城;就算你們通通都對;屌你老味,你們誰敢走出來說一句,軍隊開槍射殺學生與平民,是正義的做法?這就是人類道德的底線,這就是謊言的照妖鏡,這就是良知的試金石;你們廿載寒窗,讀書識字,難道是為了是非不分,向不義獻媚?難道沒有學懂憐憫弱者,容忍異議,厭棄暴力?你們回避重點,圖以旁敲側擊助脫罪責,乃小丑所為,人所不齒﹗

不過話說回來,我還是不要平反六四。

小弟曾寫過,中國歷史,自孔子著《春秋》始,便長期把史實和史觀混淆不清, 令到歷史為價值觀服務。人們讀史,往往受一家之言影響,把史觀當作史實。更甚者, 統治者亦經常操控歷史之評價,使歷史為政治服務。但當政權易手,或價值觀改變時,歷史便需重寫。所以我從來都說,中國歷史,是一部鞭屍的歷史﹗

孔子,韓非,李斯,黃巾軍,朱元璋,海瑞,太平天國,曾國藩,李鴻章,義和團,劉少奇,這些人物組織,在近代中國不斷被打倒,平反,再打倒,再平反。每當統治者認為這些人事符合其價值觀,便將之嘉為歷史英雄,反之,就貶為歷史罪人。更有趣者,敵人之英雄定必成為己方之罪人。所以文革曾鬧出此調:由於老蔣支持儒家治國,文革時自要打倒儒家,推崇法家。於是有人認為,李斯是法家,所以是好人,那麼害死李斯的太監趙高,自是儒家了,所以是壞人。十分滑稽。然而,近年倡導和諧社會,便又再推祟儒家。中國歷史人物便如此被供奉膜拜,繼而開棺鞭屍,繼而再供奉膜拜,沒完沒了。死後也不得安寧,下場十分淒慘。

如果我要中國政府平反六四,那是再次,放棄自己評價歷史之權利。是非善惡,何需執政者來定義?莫非他們今天說六四是暴亂就是暴亂?明天說六四是風波就是風波?莫非執政者之觀點,人民就要唯唯諾諾,亦步亦趨?我不要平反六四,因為執政者理應是服務人民,我沒理由卑躬屈膝,乞求其改變想法。我不要平反六四,因為我有見識與良知,不需要一個政權來教導我是非曲直。我不要平反六四,因為中國過去數十年,有過太多定性與平反的遊戲,玩弄人民的價值觀,我厭倦了,拒絕再參與這種遊戲。我卅載寒窗,所為何來?無非為明辨是非,揚善棄惡。我不需要平反六四,因為六四在我心中,善惡分明,從來都不必平反。

如果中國從此沒有官方定性,沒有官方平反,那才是人民之幸,國家之福。接納多元史觀,博採輿論,容忍異議,乃健康社會應有之現象。

當然,我雖然不要平反六四,但法律罪責,遺屬賠償,還是要追究到底的。

75 comments:

Anonymous said...

我覺得全文重點, 都是在於「屌你老味」四字。

追了Elvis的Blog 兩年, 還是首次見向來行文文雅的 blog 主口出惡言

真的痛快

天海

民建聯堅定追除者 said...

嘩!乜你反轉豬肚就係...咩㗎!

喂兩日嗟,Hey ~~ 西環未 call 你,中環會 call 你㗎嘛!!!

佢地 call 人無咁快㗎,「十四個工作天」呀,阿 Sir ~~~~~

哈哈哈哈 ~~ @@"V

Elvis said...

等左兩日, 兩個環都唔call 我, 咁算點先? 諗住投誠都唔知去邊度投啊陰功.....

Hana said...

>因為六四在我心中,善惡分明,從來都不必平反。但法律罪責,遺族賠償,還是應追究到底的。


哩個先係重點,問題係太少人識咁諗。

蕃茄葉 said...

厲害﹗細佬欽敬欽敬

Anonymous said...

誰說要中共政府平反六四?平反這個詞豈能是中共政府專用的?

實情是,
人們以良知來為受害人作平反!


- N

C.M. said...

我支持追求真相,但不支持平反。

我跟友人說:「我之所以不支持「平反」,因為平反的意義不在人文反思,平反後就是一種說了算的態度,跟現在為一件事定性其實異曲同工。

平反是單方面的,是為上者的「恩賜」,不是廣泛的認同,也不是深入民心的再理解。」

雖然我還有話說,但在今天,我選擇,默,哀。

過內人 said...

千秋功過誰論定

Anonymous said...

>因為六四在我心中,善惡分明,從來都不必平反。但法律罪責,遺族賠償,還是應追究到底的。

哩個先係重點,問題係太少人識咁諗。




- 你以为真系无人识咁谂咩,呢个道理,好多人都知啦,一d都唔高深,唔好以为支持民主和争取平反六四追究镇压o既人系痴线先得o架,渠地唔系好似你咁讲到好似咩都唔识.

如果识得话善恶分明,搞清楚点解当初班大学生要示威?你以为班大学生真系得闲无事走去做反?

大学生手无寸铁,军队就有坦克车机关枪,你试下企o系度,你拿住枝防狼喷雾,人地用架跑车来撞你,睇下你有无反击之力?

就同你讲善恶分明,四川地震大家有眼睇到真系好多楼无钢筋,系咪全球观众都发鸡盲?而家大陆可以话{无因豆腐渣危房导致死伤}

唔系想拗,但抚心一问,真系无问题?

你以为六四死者家属真系唔识追究赔偿?追究了廿年,唔系被监视就系辑捕,果边四川地震死难小童的父母,你又以为渠地唔识投诉追究?

连去拜自己死难孩子也不准,一律严厉监视,唔通又会觉得咁样系班父母想做反?

你觉得贪官极权会听你的「理性哭诉」么?

香港人长期饱暖安稳,真不知天高地厚


dick

Bittermelon said...

是非黑白在各人心中自有定論,其實曾特首詹議員等等之流心中不知道嗎? 只是其身份地位利害關係等種種因素之下把良心棄置一旁,看見他們我反而覺得他們可憐。最令我担心的反而是那些口出狂言的新一代,他們被洗腦,變得是非不分,成為助紂為虐的工具.

鐵甲人 said...

同意,說中了我心中所想的。 為啥要那麼在意/賦予此等冚包散政權權力去「平反」事件? 為啥要那麼在意官方的定調? 草泥馬政權的誠信度,多年來大家有目共睹,要求佢承認責任是否有點緣木求魚?支聯會是時候改口號了。 人民才是主人,而不要草泥馬政權。

本人是晚晚會會照去,但絕不會叫「平反」的口號。 在我來說,點燃一枝爉燭,去靜靜悼念事件中往生的死者,勝過空泛口號百倍。

Derek said...

投訴要俾d耐性架,等兩日急左d,西環呢幾日好忙架嘛

郁忟 said...

好一句屌你老味,盡得我輩「同你講多都o徙尻氣」既精神,中聯辦走寶,我地社民連歡迎你!

有d邏輯,講完又講,再講無謂,屌你咪屌你囉咩呀。

uncleray said...

一個字,服!

篤篤篤撐 said...

DARK FORCE, 不知不覺侵擾我們生活的全部, 扭曲所有基本是非道德。

join it or beat it ?
越來越多人搵各種各樣的藉口變相加入dark force。

無論叫不叫口號, 今晚,白衫, 維園, 對抗dark force !!

Anonymous said...

丁子霖最近說:

「我們不再提平反,那是封建提法。我們要求就六四與當權者平等對話!」

新仔 said...

睇完 (上) 再睇 (下), 方知中了博主的計.

60664 said...

shame on those who support ur pervious post! hahaha

polly chik said...

此文與陶傑之文如出一轍
http://hk.apple.nextmedia.com/template/apple_sub/art_main.php?iss_id=20090604&sec_id=12187389&art_id=12835621
留意最後一段.

又, 無論是政府,黨或傳媒等做出來的"價值觀", 都不應不加思索,完全納為己用啊...不然都是被牽著鼻子走呢...

Yun said...

雖然我真係好憎黑色底白色字(睇到眼盲!)﹐但我中意當中既內容。

(你咪寫個D懶溫磬既野啦﹐呢D先啱你囉。)(哇哈哈哈!!!)

Toby Fan said...

無當日的流血,無今日的中國
中國改革富強,犧牲在所難免
自古歷史如此,任何國家如此
發生文明之時,眾人因而震撼
相比過去革命,也倒是小兒科
他們愛國精神,亦好令人敬佩
平反學生污名,而非事件本身
對錯誰能確定,就由歷史定斷

said...

鼓掌~~~~

said...

本人是晚晚會會照去,但絕不會叫「平反」的口號。 在我來說,點燃一枝爉燭,去靜靜悼念事件中往生的死者,勝過空泛口號百倍。

完全認同!!

Elvis said...

Derek,

我諗住, 第日去跟阿諤少搵食丫嘛.....

我冇佢咁靚仔, 佢咪去做特首囉第時

我撈返個政治助理得架喇

Elvis said...

郁忟,

我覺得, 真係言盡了。

對於果班小丑,
邏輯我地講過晒,
理性我地講過晒,
良心我地講過晒

但仲仍然係群丑亂吠

我真係覺得, 講多晒氣, 唯一想左好耐既野, 就係屌佢老味

鐵甲人 said...

班土共嚟嚟去去都係應用滑坡謬誤來為中共辯護,根本冇新意,成班都係寶藥黨,以為我地好好呃,真係信佢地一成,相目失明。

滑坡謬誤:
http://zh-yue.wikipedia.org/wiki/%E6%BB%91%E5%9D%A1%E8%AC%AC%E8%AA%A4

Elvis said...

鐵甲人,

我話佢地冇料, 其實佢地係可以講得好d, 就唔會變成 slippery slope

我 (上) 果篇講過, 佢地其實某d 事可以用 occam's razor 來 argue 兩個假設的「因」中, 某個「因」達至「果」是更可信

我睇左咁耐, 等左咁耐, 竟然都未見過土共識用 occam's razor

小生.毛出沒注意 said...

講多無謂,屌爆最實際

越去理性,越講事實,越要討論,就越會中那一班仆街冚家鏟的轉移視線之計。

一撚句講柒完,中共拍板出軍隊,用重型軍火殺鳩晒異議者,碌鳩死晒反抗者,而異議者反抗者,連一碌似樣的炮都沒有!

中共殺戮,該當何罪?如才子所說,這是大大違反了人類的人道底線啊屌你老味!

玄天小雲 said...

將價值觀完全扭曲,是中國人(其實我指阿爺)專長.

內地既"兒童文學", 有時真係睇到人滴汗."向雷鋒學習"已經夠嚇人…

內地從來都係主張犧牲自己,成全"大局".

個"大局"係乜, 邊個定, 真係'耐人尋味'.........

Hana said...

dick,

請你熟讀中國歷史

請你走入大陸生活

你所述一切只不過是冰山一角,追求民主同 一党專政的政府講自由唔係僅凭一腔熱血声大夾惡就得!匹夫之勇有何用?更何況總係一个境外匹夫!(去下游行坐下維園叫下口號對香港人來講有幾難遮?但有時好心都會做坏事,有冇諗過咁樣反而會令到總係國內的學运家属、异見人士日子更難過?)

我自己都會悼念那些逝去的學生,但卻极度討厭利用六四來抽水大叫各式口號的政黨。

政治有幾黑暗你知嗎?如果你唔匿名,或者都可以再深入啲討論嘅...

貝思 said...

博主,講的好! 默默地看你的博客已經有一段時間了,這一篇實在是讓人拍手叫好!

Elvis said...

貝思,

謝謝閱讀。

哈哈, 原來兩篇都有人說寫得好......
很諷刺

貝思 said...

哈哈!好文共賞,何來諷刺之有?
每個人心中那把尺都不同嘛,欣賞文字也好、聲音光影也好,有時候真的像瞎子摸象,摸到甚麼就是甚麼.
天曉得別人心中的"好"到底有多好?

Elvis said...

我說諷刺不是因為口味不同

Anonymous said...

hana :

即使香港人什麼也不做,並不見得中國政府會令國內的學运家属、异見人士的日子,過得更好。

國內很多社會民生事情,港人沒法知道,或者沒法幫忙,但這樣便可以政府對受傷害的百姓好嗎?不見得。

mic

老公 said...

Hana:

「有冇諗過咁樣(示威)反而會令到總係國內的學运家属、异見人士日子更難過?」<我認識十數名國內學運家屬及異見人士,他們全部都因為香港人為六四事件示威而感到日子較好過。

「我自己都會悼念那些逝去的學生,但卻极度討厭利用六四來抽水大叫各式口號的政黨。」<敢問六四當晚,哪一個政黨叫了哪一句口號來宣傳自己?難道在晚會上發言便等同宣傳自己的政黨?

「政治有幾黑暗你知嗎?」<這犯了混合問題及人身攻擊的謬誤,但相信你不會明白。


跟很多口頭上認同"我為何不要平反六四(下)"的人士一樣,你的立場根本就跟文中論點有顯著衝突,甚至可以說此文想要批判的正是你,你卻表示認同,實在莫名其妙。

本來邏輯錯亂,也並非死罪,正所謂傻仔何其多,屌得幾多個?但假若有人邏輯不通,卻還要趾高氣揚地以惡劣的態度批判甚至貶低他人,在下一向插之而後快。

「如果你唔匿名,或者都可以再深入啲討論嘅...」<我就唔匿名,就同你「深入討論」,唔好潛水呀八婆。

Hana said...

mic,多謝指正。

我以自己和大陸政府打交道的經驗主觀地假設可能并不恰當。

幸好我識檢討和反省!!!

"從風雨而飛"是君子之地竟然容許(有留言審查)匿名肆意對讀者人身功擊,我對博主感到失望。

Elvis said...

我通常只有三種留言係唔會出。

1, 廣告, 同討論完全無關果d 野。呢類最多。

2, 全篇都係粗口, 擺明炸版

3, 私人留言, 講到明只係留比我

除此之外我都會出。 開 blog 兩年對我攻擊謾罵大有人在, 我篇篇都照出的。

老公 said...

Hana:

又話深入討論既,做乜顧左右而言他唶?

乜野匿名?我咪留左名囉,「老公」丫嘛,好多人都叫我呢個名架喎。唔通要留寫響身份證果個名至算唔係匿名?如果係咁,咁我可以話你知,「Elvis」本身已經係匿名。

道理唔夠人講,就借啲易唔答?我問你呀八婆,而家邊撚個政黨既邊撚個議員曾經響六四燭光晚會上講過邊撚句野係為左增加自己政治本錢呀?你講唔撚出就請你公開道歉,唔好學似中共咁側側膊。屈得就屈,簡直無恥到極點。

你問Elvis點解要出我個post?因為《我為何不平反六四》就正正係要批判你呢種狡猾迴避重點、圖以旁敲側擊轉移大家視線既卑鄙小人。佢唔屌你,係因為佢好人,唔代表佢覺得你啱。

Elvis said...

老公,

我唔係 anony 的, Elvis 呢個名, 雖然身份證上冇, 但我其他的 ID 上都有, 畢業證書上有, 信用卡上有, 出版的學術著作我都係出呢個名。

小生.毛出沒注意 said...

阿「老公」

贈你兩句
「世上撚人何其多
問你屌得幾多個」

慳番o的手指力曖肚好過啦~~佢又唔會答你o既

老公 said...

Elvis:

我都唔係 anony 的,老公呢個名,雖然身份證上冇,但寄給 Mary 的email上有,寫給 Susan 的情書上有,送給 Jessie 的鮮花心意卡上有,屌親傻仔的學術留言我都係出呢個名。

匿名與否,根本唔係重點,Hana單單捉住人匿名呢點大造文章,只係轉移視線既詭辯伎倆。

你唔支持匿名留言文化,大可以唔畀我地匿名,所以你畀得我地匿名,我就assume你認同大家唔一定要留真名。

But again,你其實冇話過誰對誰錯,所以我唔會好武斷咁無端對你失望一番。

Hana既卑鄙無恥,令我諗起某中中forum既一段故事,所以先忍唔住手挺身插之。

吾好意思我都係匿名 said...

to everybody-

我睇晒D留言,基本上除了兩三句粗口八婆之外都吾多覺有乜謾罵惡言,因為Hana在自己的blog說這裡的人在沒理性亂罵.入得來討論得這種政治議題都預左有正反意見啦!洗乜大驚少怪反正吾係同妳有親又三吾識七,我私人覺得咁多位已經好客氣,妳試下上高登!!!邊有這裡咁客氣.
講真呢位呀姐係聽吾落異見,一吾岩聽就話人匿名呀,坑渠老鼠呀(佢係呢處無用到巳經好比面你'老公')!其實就係自己吾夠人講,識少少甚至吾多識又無論據支持就自以為好識,(可能講感情男人講叫雞係幾多人回應)跟住就會話博主亂放留言讓她受到別攻擊吾多持平,佢吾係第一次撞呢種板就算係私人blogger內都話比人謾罵...
講真祇要稍稍看過hana的博內留言當然多少包括人情相熟刷鞋成份,hana別將那種留言放之別的博上,可能妳會對鬧妳相熟的blog友會好反感甚至係別人的blog內自認為申張正義鬧反人,但那真是很江湖或的匹夫之勇(盲中中,懵盛盛).
如果妳是喜歡讚頌岩聽的自我世界就吾好四處辣火頭,又吾識點收科.請妳回自己blog內發表就會得到妳希望的和諧聲音.假設妳想化身女戰事就請先上高登操下先!感受下甚麼是真正的謾罵...包妳穫益良多!
希望這編不會被妳歸納為謾罵或人身攻擊妳吧!

Elvis said...

老公,

我冇唔支持 anony 留言, 如有, 我一早就唔比 anony 留言。我亦都冇話「老公」兩個字係 anony, 我只係反對你話「Elvis」呢個名係 anony。

事實上, 我覺得網上 identity 根本控制不了。就算我關閉左 anony 留言, 咁最多都係嚮 blogspot 開個 account 就可以留言。 步驟多左, 麻煩左, 唔代表留言者唔可以開多幾個 account 黎留。 所以根本同 anony 無分別。

Vitamin said...

不理性? 將態度與及說理混淆,是你自己的問題喔。Hana 女士,請你細心讀以下這篇:

别和我说什么“态度”!

http://zhaomu.blog.sohu.com/118054660.html

小瓶子 said...

我认为Hana 的意思, 是赞成Elvis 讲的:「 你們誰敢走出來說一句,軍隊開槍射殺學生與平民,是正義的做法?」

这是大方向.

至于应该要如何悼念六四死难者, 这些是仪式问题. 正如有教徒觉得信上帝就一定要每星期去教堂做彌撒, 有教徒却认为每天在家中祈禱即可.

因此, 悼念六四死难者, 不一定等于要支持搞悼念的那些政党, 更不一定要参与那些政党在维园搞的烛光晚会.

回应一下"吾好意思我都係匿名"呢句说话:
>>>我私人覺得咁多位已經好客氣,妳試下上高登!!!邊有這裡咁客氣.

我私人觉得呢嗰屎坑已经唔系好臭啦, 只系一日无水冲厕之嘛, 你试下隔离嗰个屎坑, 十年都无冲过水!!! 边又呢边甘干净. (厕所清洁员回应臭厕所问题)

我私人觉得呢个成绩唔算差啦, 起码有1分(100分满分), 你睇下隔离屋嗰小瓶子, 0分啊!!! 边有我甘高分. (天真匿名回应考试考尾二的问题)

小瓶子 said...

>>>> 就算我關閉左 anony 留言, 咁最多都係嚮 blogspot 開個 account 就可以留言。 步驟多左, 麻煩左, 唔代表留言者唔可以開多幾個 account 黎留。 所以根本同 anony 無分別。

如果呢句系成立, 即是乱响blogspot 开account但版面无馅既叫 anony, 甘响留言求其用一个花名「老公」, 甘同anony 其实无分别.

「Elvis」 就唔同啦, 起码睇佢嗰BLOG甘耐, 知道佢对某D事物既观点. 如果佢响人地BLOG到发表一D 完全同佢平时行文风格完全唔同既留言, 会马上知道.

唔系话 anony 就一定唔好, 有D 人自己本身无写 Blog, 但见到人地 Blog 写左D 野, 都可以各叙己见. 不过好多人就因为 anony 左, 跟住就写大量粗口谩骂闹人.

更无耻既系, 有D blogger 自己本身有嗰 BLOG, 一般无争议性既留言就用番自己嗰BLOG名, 但侮辱闹人嗰D 就用匿名留言.

cherrie said...

hehe~heheheheh~

老婆 said...

呢位 hana 阿姐,o係你心目中覺得淨係你識講中國歷史?由你講既偉論,已證明你一知半解,曲解事實噃,你覺得七一咁多人上街,六四有過十萬人去燭光晚會,你覺得香港人好似你話齋聲大夾惡,你覺得咁多人只係得閒得滯上街遊行麼?

你覺得香港人替六四死難者追悼會令佢地家屬更難過?異見人士見有人支持你又覺得會令佢地難過?你係o羊邏輯呢請問?

六四晚會,點都要有政黨團體發起呱,唔通你期望中國政府發起?有人做搞手你就話人抽水,咁無得講啦.

你見有人唔認同你,你就話人用匿名係卑鄙,要人開名,然後你咪可以點人相唱衰人o羅,眼見其他匿名人都言之有物,點解你咁緊張要人開名呢?

你話政治好黑暗,淨係你識咁講麼,由你講既o野,唔見得你識政治,只係曲解事實,打橫來講噃.

hana阿姐你又吹自己同大陸政府打交道,上大陸修甲購物,唔等同與中央打交道噃,不過你應該分唔清楚o羅.

老豆 said...

老公,你個衰仔好返房食藥啦,食完後我仲要屌你老母ga.

Vitamin said...

政黨抽水?

捐款、喊口號...全部都無人逼我喎!

合心的就捐、合意的就叫;我都唔係每個口號叫!

Hana 女士,請問甚麼是『境外匹夫』?香港已經回歸,和祖國是『一國』下共存的!!

Hana 說香港是『境外』,很有挑撥離間的況味。

Vitamin said...

老豆,


你個仔要食藥咩?肯定係你o既遺傳!

Anonymous said...

遲到的.關於六四 (好文!)
http://assenav.pixnet.net/blog/post/28216293

老豆 said...

唔關我事架!個衰仔遺傳佢阿媽啫。

Elvis said...

樓上果位Anonymous,

謝奇文。

似乎最近好多人想去西環搵工。

Vitamin said...

"唔關我事架!個衰仔遺傳佢阿媽啫。"

咁緊張話唔關你事!你真係此地無銀三百兩!賊喊捉賊!
又或者係遺傳你阿媽就真。隔代遺傳!

Anonymous said...

唔緊要呀,Elvis,仲有個大口環!

個 call 就到喇!

Anonymous said...

老公先生:

你個名咁怪嘅?跟住仲有個老婆小姐,你地係兩兄妹?兩姊弟?

哎吔,你地亂倫!

不過,你地點亂我唔理,討論就要放點尊重,唔駛咁粗魯,以事論事嘛,咪一講六四就青筋現,連子孫根都扯都恒晒至得架!

唉,你喺边度出沒多呀,我都係報警先,費事你毁壞公物,連坑渠蓋狗屎箱都插爛呀!

原本可以同你講六四嘅?不過你太唔斯文喇,都係唔講咯.

不通,老公先生,令壽堂令尊翁有冇同你講過「學業有幾重要你知嗎?」,「揾錢有幾艱難你知嗎?」老婆小姐有冇同你講「俾你插有幾無癮你知嗎?」

呵呵,相信你也不會明白.

老公先生,你係男人黎個可?男人都有窿架,你信唔信我....

不過,插人者人亦插之,可能你已經俾人插到闊晒咯,我都係打吓老婆小姐主意好啲!

roy said...

elvis, 恭喜你呢度變高登.

Anonymous said...

錯喇,阿 roy,哩度都冇電腦賣.哩度只不過係高登對面嘅雞竇,我同上高個匿名一樣,痕咪上黎放低啲嘢咯.

hehe,仲有呀,阿 Elvis 仔,你張相個樣咁得意嘅!

哎吔,夠中開工喇!

Vitamin said...

沒辦法呀
有 Hana 姐搞局,以高登式來招呼她,仍然是算以禮對待的。

老婆 said...

老公:

你死撚咗去邊呀?

俾人踩到上心口喇!跟著你真係冇晒面,前世唔修呀,我地死撚咗佢好過!

不過哩排都知知地架喇,我地幾姊妹搞極你都唔硬,屌,做男人做到你咁撚樣,yar屎喇!

阿Mary同 Susan 都話要跟插你嗰個匿名喎,話佢好英呀!.阿Jessie都想架,不過我勸佢唔好喇.哈,個傻婆又聽喎.梗係喇,匿名話打我主意噃,同Mary, Susan分已經薄咗喇,我要佢同我一週七呀,仲益Jessie個傻婆?

不過Jessie 都話唔跟你架喇,佢話去開檔揾銀好過,十個客裏面總有個猛男掛,等你硬就實情餓死得得喇!

唉,銀樣蠟槍頭,女人最賤就係跟錯佬,估唔到就係跟咗你哩件廢柴!

Feb said...

樓上那個:

你發花顛發到亂認老公呀?!亂咁將人地個老公當作拋棄你O既男人。

你個搞極都唔硬O既老公話,要同你搞,佢寧願成世唔硬喎;食毒藥都肯呀!

Anonymous said...

haha,阿Feb仔,你噏乜春呀?


老婆小姐,你有冇35,23,35?個樣唔可以差個周秀娜噃(佢已經係底線,再差我唔收架喇)!

你老公潛晒水喇,慳番啖氣喇!

Anonymous said...

唔該你地班人唔好咁無聊啦..
好多粗口呀

老公:算啦!如果你係男人就唔好同d女人計啦,大量d啦..大家都係有意見者

老婆:你都收聲啦

elvis 明明你個blog好高尚架
點解變成咁?可否完結?

Anonymous said...

to樓上,

事實陳述唔係意見,而係有對錯架喎

好明顯其中一方以事論事,另一方不斷對人唔對事

咁不斷有人拋出"係男人就唔應該同女人拗"之類既偉論,呢度d留言質素好難高架喎

老豆 said...

老公, 你個衰仔先前大義凜然咁叫人唔好潛水, 但又唔睇清楚人地係有出blog. 點知你個衰仔原來係龜縮性無能, 旗都扯唔起又話要屌人, 屌乜撚野遮? 性無能就話俾老豆知啦, 等我帶你去睇醫生嘛, 亂咁食vitamin無撚用ga. 你睇下你, 仲要俾人懷疑你係未男人添, 真係丟晒老豆假. 你知唔知你老豆我幾撚勁, 次次屌你老母都屌到佢嗌到拆天, 諗起都興奮, 陣間都係揾你個老母執番劑先.

Feb仔, 我個衰仔真係咁同係講牙? 佢可能見到你先識硬喎. 你地一場老友, 你可唔可次做下好心, 俾佢屌下你呢? 我呢個老豆份人好開通ga, 難得佢識硬, 係朋友既就幫下佢啦, 佢真係谷到爆啦.

roy said...

其實有部份留言應該已經附合被刪的資格?

黑人 said...

再拗真係無乜意思

一來唔會再有甚麼突破性的攻擊言論,二來唔會有實質的傷亡,無謂浪費時間。留返下次再來過。

除非其中一方有人送大量的真錢俾我,否則我無意偏幫任何人,完。

Anonymous said...

睇晒全部留言,不見得有問題,有不同hana女士的意見,為何要刪?
雖然有d 留言有粗口,無傷大雅喎,又唔係罵網主,而且粗口都唔見太多。
個個咬文嚼字扮o野仲無意思啦

pimpim said...

春眠不覺曉,
處處聞啼鳥,
夜來風雨聲,
花落知多少?

高妹 said...

本來睇完兩篇想留下自己想法, 點完知睇完樓上既言論, 咩都唔記得咯

k said...

exactly.
that's a good one

Anonymous said...

不過我又問你一句:員警追到一個殺過人既越獄犯,可以當場擊斃,呢個犯同樣手無寸鐵啊。一群大學生打砸搶燒嚴重擾亂社會治安,就算渠出發點好好,國家系米都唔需要管?甘六四搞到七國甘亂,國家點解唔可以代替大多數人民維持秩序呢?軍隊開槍軍人因為遭到群眾相逼而進行嗰個人自衛行為,定系執行屠城命令,你有無證據支持任何一種說法?

另外,學生就吃飽飯搞下民主,都好正確。咁你又有無瞭解過D想要安定生活有飯食有衫著嘅農民同埋有工開嘅工人,對於六四有咩睇法呢?如果國家都不穩定,甘人民嘅生活又會唔會因為追求民主而更好?

呢D只不过系我嘅思考同疑惑……

Anonymous said...

thanks for share........