Thursday, July 2, 2009

答問

阿甲:我想問博主一個好簡單嘅問題,幾年前,你尚且為港女現象動容,今日,你可唔可以清清楚楚話畀廣大港男們知道,你究竟支唔支持怒插港女呢?

博主:港男們對港女現象既感受同睇法,我係明白嘅。但事件發生左,到而家已經好幾年喇。期間,港女係整容隆胸各方面嘅進步,都係有驕人既成就,亦都為港男們帶來左不少養眼春光。我相信,港男們對港女外表嘅進步,會作出客觀既評價。呢個係我嘅睇法。

阿甲:我問嘅,係博主個人嘅良知同埋原則。我而家追問,係咪博主嘅意思即係話,外表扮得靚,就可以唔承認自己係臭四呢?港男們為左媾索女,就可以埋沒良知呢?

博主:我所講嘅就係話,時間過左,港男們對於港女外表嘅進步,不單止係面部皮膚好左,胸脯大左,其他各方面都有驕人嘅成就。呢兩年嘅港男不單止有索女望,而且有索女擒。我好希望,大家可以信賴港男們,會作出一個客觀嘅評價。

阿甲:博主係冇答過我問題。我問既係個人嘅良知,你答我嘅係港女索左。咁係風馬牛不相及。

博主:我再講多一次,我嘅意見,就係代表港男整體嘅意見。佢地嘅意見,亦都係會影響我嘅意見。頭先我所講嘅,就係我感受到港男們現時對港女嘅睇法,呢個亦都係我現時嘅睇法。

阿甲:我覺得博主係強姦民意,你點可以代表我呢?我要抗議,因為博主話港男們見索忘義﹗

9 comments:

陳大文部落 said...

我嘅意見係代表港男整體嘅意見,港男嘅意見亦會影響我嘅意見,相信港男會以務實同客觀嘅睇法去評價港女。


喺一個大家都接受嘅框架內,積極聽取各方港男港女嘅意見,從而謀求共識,平衡各方利益,有需要時並會作出適當嘅微調,大家應採取積極和包容嘅態度去解決事情。


...有關港男港女問題,之前已講過,我唔想同你狗噏辯論.....


PS : ...港男港女呢個問題,已經無提好耐,已經唔存在喇。

阿甲 said...

甲:連陳大文都表達過對港女既看法,但博主你冇,你愧為我地博主。
博:咳咳。
甲:你講,幾年前有份響酒吧臭數港女不是果個係咪你?
博:我咁橋響果度食左個公仔面咋嘛。

Cherrie said...

笑死我!!!! 你好賤~

GiGi said...

hahahahahaha!

南蠻人 said...

服了你!

said...

支持博主, 冇強姦民意
索係大晒既
但要真係索喎

蘇記 said...

"不單止係面部皮膚好左,胸脯大左,其他各方面都有驕人嘅成就。呢兩年嘅港男不單止有索女望,而且有索女擒。"

但是要擒塑膠波,不如玩公仔算把啦~~

** 飛雪素素 ** said...

Elvis~ Yeah!! 驕人成就 <3 <3 <3

宇宙人 said...

我係睇到第二段"作出客觀既評價"既時候先知你原來係曲線緊, 笑左 囧