Wednesday, January 20, 2010

鄭汝樺局長的底褲

以下所書只憑記憶,數字或有誤,請看倌指正。

香港回歸多年,政府每為重大建設項目開動宣傳機器時,市民總會聽到一個個動人預測數字。可惜逢測必錯,例牌高估。今日迪士尼公佈開幕以來入場人數,埋單找數,原來當年預測又錯了。當初興建,估計每年有560萬入場人次,但實際上整整少了100萬。雖然虧損嚴重,政府不單不洗手離場,還逼著加注擴建,誠可悲也。

當年建西鐵,九鐵與政府曾對每年客量作出詳盡預測,但通車多年,從不達標,實際數字只為預測之一半不到。例如通車首年2004年,估計客量為34萬,實載只有13萬;2007估計客量為42萬,實載只有21萬;去年授予大補丹,開通紅磡站,但客量仍未達標。至於機鐵,更加離譜,當初估計每日有3.9萬客量,至2011年更可達7.5萬。但早前公信報為其埋單,算出現時每日客量只有2.9萬,不知明年有何奇招,能令數字倍增?

看倌莫忘記,當年興建數碼港,授標盈科,1999年政府文件說這將製造12000個職位,兼有15家國際科技龍頭進駐,以打造其為亞洲矽谷。可惜建成5年後,埋單找數,租用數碼港的公司加起來只顧用2000多人,而真正進場的國際科技龍頭只有Microsoft一家,其餘那些公司如IBM,HP,Silicon Graphics,Oracle,Cisco等,全部無影無蹤。話說回來,國際科技龍頭不見了,國際時裝龍頭卻陸續登場。數碼港商場最近大搞Outlet Store,高級時裝品牌如Armani、Prada及Versace等,紛紛進駐。十年前建港時,政府應沒料到有此盛況,今日可謂贏個尾彩。

看倌只道,政府預測,例必高估乎?非也非也。高估數字,每次只與大型建設有關。政府之財政預算,就例必低估。赤字預算,埋單時可變盈餘,小盈餘就變大盈餘。例如08/09年度之財政預算原為63億圓赤字,埋單時變成300多億巨額盈餘,市民見狀,盡皆稱讚政府理財有方,不勝歡喜。

香港政府施政寸步難行,愚見以為,並非管治能力太差,歸根究底只是預測能力非常低劣。埋單期長之數字例必高估,埋單期短則例必低估。在下現在強烈建議,政府應該增設「預測局」,派員去泰國拜見白龍王,請其出山任職問責局長,再輔以蘇文峰為副局長,麥玲玲為政治助理,當可提升政府預測之準確度。

在設立「預測局」之前,在下不才,斗膽一賭鄭汝樺局長條底褲,高鐵通車後,每日客量必定低於99000。我最近買了兩條Calvin Klein,質地不錯,希望鄭局長可以奉陪。

19 comments:

黑人 said...

師兄,何苦呢
贏左你都係輸
賭周秀娜或者陳巧文條底褲work d

假如一定要議員可以考慮陳淑莊
假如一定要建制派議員...李慧"王京"叫做勉強可以

不過,問題都係loop回第一句,何苦呢

Anonymous said...

哈哈哈....

Elvis兄當真厚道, 話政府「預測能力」差。Elvis 兄無講出來o個句係, 大型建設數字例必高估, 財政預算例切低估, 根本就唔係因為「預測能力」差, 只係玩弄民意!!!

大型建設, 埋單找數要十年八年, 吹大o的條數等市民支持, 有乜所謂?十年八年後, 錢畀o左, o野起o左, 可謂過o左海就神仙, 埋單唔o岩數, 你都吹佢唔漲。 財政預算, 明年就埋單, 梗係估低o的, 等市民讚下, 呢o的叫期望管理。

Frank said...

樓上果位講得好, Elvis 亦串得好

根本唔係預測唔準, 而係用數字來玩弄民意, 寫大d條數係為過關, 寫細d 時就係為博掌聲

根本一開始就係有目的地呃市民, 呢 d 咁o既政府, 誠信完全破產

Elvis said...

黑人,

呢個賭局真係好難輸囉......

Elvis said...

Frank,

佢地唔係存心呃既, 只係依家個政府太依賴 spinning, 無論報大數或者報細數, 都係為左 spinning......

小瓶子 said...

嗰条底裤要来有乜用?

Elvis said...

小瓶,

聽鵝頸橋d 阿嬸話要貼身物丫嘛......

阿甲 said...

黑人:

鄭局長係有韻味,伊人慘被假民主狗圍吠之時,捧心皺眉,貌似西施,出面大班阿伯想殺入去給佢安慰。

** 飛雪素素 ** said...

哈哈哈~~~鄭汝樺的底褲...想想已經覺得嘔心 =.= 贏左都唔敢掂啦。你估你係陳振聰咩。

Derek said...

貼身物品都唔係一定要呢樣啦,睇會會嘔=.=

uncleray said...

我想要是滴滴妮的報告早點公開,會有更多人出來反高鐵。

爆炸頭 said...

你話局長佢睇完呢篇野﹐真係立刻除條底褲出黎寄比你你夠唔夠膽要

Elvis said...

素素,Derek,爆炸頭,

我相信呢樣野奇貨可居, eBay 有價架......

阿四 said...

廖老板, 呢D女人著過既底褲你都要? 拜服!!!

呢條高鐵, 起已經要使咁多錢, 起完果條數仲甘.

再係咁fing錢, 過幾年一定要加我地稅黎填筆數!

阿四 said...
This comment has been removed by the author.
過內人 said...

香港回歸-1997年
西鐵-1994年已經討論緊,但98年先正式通過,都入得特區政府數。呢條數點都係計錯,但西鐵上蓋物業仲有大把,要追數應該唔太難。

迪士尼-一定係入特區數。當時港府庫務局局長俞宗怡更透露,估計聯營公司要在樂園啟用五年才能收支平衡,十三年後才派息。以2005年9月12日正式開幕計,即係11年報10年數先知佢投資回報計算準唔準。當然,政府加碼,條數又有變化,但第二期都未起好,斷估而家啲人入去,唔會係因為想睇下第二期個地盤,所以至少到兩年後,條數仍可參考。

機鐵-新機場計劃之一,98年通車。我唔知點樣入特區政府數,如果你咁都入到,我會大讚政府,一年可以起條咁長嘅鐵路,隨時破晒世界紀錄。

數碼港,又係特區政府,無得賴。雖然得microsoft....對唔住,仲有IBM,但贏尾彩應該唔係因為有outlet store,係唔少媒體公司都進駐,包括4As 級的DDB, OMD,國際電視公司Eurosports, TV5。較有名氣的數碼港租戶如下:-

Centro Digital Pictures Limited
CITIC 21CN Company Ltd
Creative Technology (Asia Pacifc) Co., Limited
CSL Limited
DDB Group
Eurosport Asia-Pacific Limited
FedEx Express
IBM China/HK Limited
Microsoft (H.K.) Limited
OMD Hong Kong, OMD Asia Pacific
SafeNet Asia Limited
Sybase Hong Kong Limited
TV5MONDE Asie

Elvis said...

我講緊建成5年後, 當年立法會清算數碼港事件, 文件中寫明IBM 並未在內。 IBM 依家入左去, 理應係嚮清算之後既事。

講真, 往後20年, 如果多左間 HP 嚮度賣 printer, 唔知又算唔算承諾兌現呢。

過內人 said...

咁又唔算,講到明係公司進駐,唔係sales channel 進駐。

ymc said...

還有遊行人數